Հայաստանում պլաստիկ քարտերի քանակը 2018 թվականի հոկտեմբերի 1-ի դրությամբ տարեկան կտրվածքով ավելացել է 17.9% և կազմել 1.928 մլն հատ քարտ: Պլաստիկ գործարքների ընդհանուր ծավալների տարեկան աճը 2017 թ.-ի առաջին 9 ամիսների 7,7% փոխարեն 2018 թ-ի առաջին 9 ամիսներին կտրուկ արագացել է 24,5% -ով, հասնելով 1,4 տրլն դրամի:
Ըստ Կենտրոնական բանկի տվյալների` տեղական ArCa քարտերի քանակը տարեկան աճել է 14.4%, մինչև 612.9 հազար, իսկ միջազգային Visa և MasterCard քարտերը, համապատասխանաբար` 26.8% և 12.8%, մինչև 739.7 հազար և 531.8 հազար քարտ, իսկ մյուս միջազգային քարտերի քանակի (հիմնականում HSBC- քարտեր, AmEx և Diners Club) անկումը կազմել է 3.4%, մինչև 43.2 հազար քարտ:
Ըստ ԿԲ տվյալների, պլաստիկ գործարքների ընդհանուր ծավալի աճը պայմանավորված էր ArCa քարտերով տարեկան գործարքների կտրուկ աճով`4.7% անկումից մինչև 11.1% աճ, ինչպես նաև միջազգային քարտերով գործարքների աճով`43.5% անկումից մինչև 44.1% աճ: Visa քարտերով գործարքների աճն արագացել է`6.5% -ից մինչև 25.7%, իսկ MasterCard քարտերի աճը` 29.7% -ից մինչև 32.2%: Գործարքի ծավալներով առաջատարն է Visa քարտը - 656.9 մլրդ դրամ, երկրորդ տեղում է MasterCard-ը - 415.6 մլրդ դրամ, երրորդն է ArCa քարտը - 277 մլրդ դրամ, մնացած միջազգային քարտերով գործարքների ծավալը կազմել է 23.2 մլրդ դրամ:
Պլաստիկ գործարքների ընդհանուր ծավալում անկանխիկ գործարքների մասնաբաժինը վերջին հինգ տարվա ընթացքում աճել է`9.5% -ից մինչև 21.2% (2013 թվականի նույն ժամանակահատվածի համեմատ), 2018 թվականի 9 ամիսներն կազմելով 280.3 մլրդ դրամ, ինչը պայմանավորված է ինտերնետ-առևտրի և բանկերի կողմից CashBack- ի (դրամական միջոցների վերադարձը գնումներից) խրախուսման հետևանքով: 2017 թվականի 9 ամիսների ընթացքում տեղի ունեցած արագացումից հետո, անկանխիկ պլաստիկ գործարքների ծավալների տարեկան աճը 2018 թվականի 9 ամիսներին դանդաղել է մինչև 47.8%: Այս ցուցանիշի եռամսյակային դինամիկան ցույց է տվել, որ երկրորդ եռամսյակում 22% -ի աճը դանդաղել է մինչև երրորդ եռամսյակի 14.3%:
Հայաստանի պլաստիկ շուկայում քարտերի ընդհանուր թվաքանակում Visa- ի մասնաբաժինը տարեկան կտրվածքով աճել է`35.7% -ից մինչև 38.4%, իսկ MasterCard- ի մասնաբաժինը նվազել է`28.8% -ից մինչև 27.6%, ArCa- 32.8%-ից մինչև 31.8%, իսկ մնացած քարտերինը`2.2%: Պլաստիկ գործարքների ընդհանուր ծավալում գերիշխող մասնաբաժինը պատկանում է Visa քարտին`47.9%, երկրորդ տեղում է MasterCard-ը`30.3%, երրորդն է ArCa քարտը`20.2%, իսկ մնացած քարտերի մասնաբաժինը կազմել է 1.7%:
